адпаведна 1 значэнняў

-1-

Тлумачальны слоўнік прыназоўнікаў

адпаве́дна, прысл. У знач. прыназ. - з Д. Спалучэнне з прыназ. адпаведна выражае адносіны адпаведнасці: прыназ. ужываецца пры ўказанні на ўзгодненасць з чым-н., прыдатнасць да чаго-н., на тое, што якраз падыходзіць для дадзенага выпадку. Пан Длугошыц, кожны раз сустракаючы новага госця, выказваў усе адзнакі гаспадарскай радасці і шляхетнасці: кланяўся, ветліва паціскаў руку, кідаў тую ці іншую фразу, адпаведна выпадку ці асобе госця (Я.Колас). Адпаведна свайму густу і свайму культурнаму стану знаходзіла яна [моладзь] сабе і забаўкі (Я.Колас). Разумна карыстацца лейкай можна толькі адпаведна яе прызначэнню: льючы з шырокага ў вузкае (Я.Брыль). Адпаведна тэме адбываецца і віктарына (газ.). У 1930/31 навучальным годзе адпаведна рашэнню Савета Народных Камісараў БССР была праведзена рэарганізацыя ўніверсітэта, якая заключалася ў выдзяленні яго факультэтаў у самастойныя інстытуты (газ.).

Арфаграфічны слоўнік (Наша Ніва)

адпаве́дна(чаму)

Слоўнік беларускай мовы

адпаве́дна прысл., прыназ.

Граматычны слоўнік прыметніка, займенніка, лічэбніка, прыслоўя

адпаве́дна