Ядзерка 1 значэння

-1-

Міфы Бацькаўшчыны

Ядзерка

«У моры жывуць тры родныя сёстры - Ядзеркі, яны морскія каралюўны. Яны ўсе высокія, ценькія, сукні на іх і чаравікі срэбныя, іх валасы і бровы залатыя, а твар такі харошы, што сказаць трудна. Як катора Ядзерка выйдзе з мора, то з такім блескам, што аж у вачах засвеціцца».

«Як Ядзерка ідзе, то перад ею дыяментавая раса, як зоры коціцца.

Ядзеркі вельмі дзікія, да іх няможна бліжай прыступіцца, як на мілю, а хто бы прыступіўся бліжай, зараз нарабілі б крыку, а падданыя як учулі б, то ўхапілі б якога чалавека і страцілі. У іх ест падданыя, коні і ўсяка жывіна». (Federowski, s. 108.)