Форум 1 значэння

-1-

Архітэктура і мастацтва

Фо́рум (лац. forum), грамадскі цэнтр старажытнарымскага горада, дзе праходзілі народныя сходы, урачыстасці, гандлёвыя здзелкі. На Ф. размяшчаліся грамадскія і культавыя будынкі (базілікі, храмы), аркі трыумфальныя, трыумфальныя калоны, манументальныя скульптурныя выявы.

Культуралогія

Форум, у старажытным Рыме плошча, якая была галоўным цэнтрам палітычнага, рэлігійнага, адміністрацыйнага і гандлёвага жыцця горада. На Ф. знаходзіліся храмы галоўных багоў (Марса, Апалона, Весты), базілікі для суда і інш. Першы з вядомых Ф. - т.зв. «Форум Раманум» - быў узведзены ў 6 ст. да н.э. Потым вакол яго ўзніклі яшчэ пяць Ф. - Цэзара, Аўгуста, Веспасіяна, Нервы, Траяна.