Рабле_Франсуа 1 значэння

-1-

Культуралогія

Рабле Франсуа (1494-1553), французскі пісьменнік-гуманіст; буйнейшы прадстаўнік літаратуры французскага Адраджэння. Вучыўся ў медыцынскай школе, працаваў лекарам. Праславіўся сваім раманам «Гарганцюа і Пантагруэль» (кн. 1-4, 1533-1552; кн. 5., апубл. ў 1564), дзе адмаўляў сярэднявечны аскетызм, усякія забабоны і абмежаванні духоўнай свабоды чалавека, а праз гратэскныя вобразы герояў (веліканы Гарганцюа і Пантагруэль, праўдашукальнік Панург) сцвярджаў гуманістычныя ідэалы свайго часу. Быў прыхільнікам утапічнага культу гарманічнага чалавека, забеспячэння ўсіх яго цялесных і духоўных патрэбнасцей.