Нірвана 1 значэння

-1-

Асветнікі Беларусі (X - пач. XX ст.). Даведнік

Нірва́на, паняцце ў будыйскай рэлігіі, якое азначае найвышэйшы стан і найвышэйшую мэту чалавечага імкнення, паўнату ўнутранага быцця, адсутнасць жаданняў, абсалютную адлучанасць ад навакольнага свету.

Культуралогія

Нірвана (санскр. «згасанне»), цэнтральнае паняцце будызму і джайнізму, якое азначае вышэйшы стан, канчатковую мэту чалавечых памкненняў. У стане Н. чалавек дасягае поўнага вызвалення ад шэрагу перараджэнняў, абсалютнага спакою, унутранай прасветленасці, адасобленасці ад знешняга свету, адсутнасці ўсякіх жаданняў. Выявы Буды (настаўніка, акружанага сваімі вучнямі) ў стане Н. - папулярны сюжэт будыйскага выяўленчага мастацтва.