Караваджызм, мастацкая плынь у эўрапейскім жывапісе 17 ст., звязаная з імем італьянскага мастака Мікеланджэла да Караваджа (1573-1610). Прадстаўнікамі «К.» былі яго паслядоўнікі і прыхільнікі (О.Джэнцілескі ў Італіі, Х.Рыбера ў Гішпаніі, Ж.Валантэн у Францыі і інш.). Для К. характэрны дэмакратызм вобразнай сістэмы, узмоцненае пачуццё рэальнасці, матэрыяльнасці навакольнага асяроддзя, манументалізацыя бытавых матываў, актыўная роля светлаценевых кантрастаў. Праз этап К. прайшлі П.Рубенс, Х.Рэмбрант, Д.Веласкес і інш. У Італіі К. захоўваў сваю актуальнасць да канца 17 ст.