Вераценніцавыя 1 значэння

-1-

Земнаводныя і паўзуны

Вераценніцавыя (Anguidae). Сямейства рэптылій падатрада яшчаркі (Sauria). Амаль для ўсіх відаў яго характэрна змеепадобнае цела і адсутнасць канечнасцей. Цела ўкрыта зверху і знізу чарапіцападобнай луской, пад якой суцэльным панцырам размешчаны касцявыя пласцінкі, пранізаныя сістэмай тонкіх канальцаў. Галава зверху пакрыта сіметрычна размешчанымі буйнымі шчыткамі, паміж якімі вялікі патылічны шчыток. Характэрна таксама наяўнасць раздзельных і рухомых павек, круглай зрэнкі. Язык кароткі, з больш тоўстай задняй часткай і звужанай пярэдняй, якая мае выразку і пакрыта лускападобнымі сасочкамі. Сямейства ўключае каля 10 родаў, якія пашыраны ў Эўразіі, Амерыцы і Паўночнай Афрыцы. У Беларусі пашыраны прадстаўнік роду вераценніц (Anguis) - вераценніца ломкая, адметныя асаблівасці якой - адсутнасць па баках тулава складак скуры, наяўнасць закругленай і гладкай лускі на тулаве і хвасце. Хвост ломкі, здольны да аўтатаміі і рэгенерацыі.