Вакцыны_супрацьвірусныя 1 значэння

-1-

Слоўнік па агульнай і медыцынскай вірусалогіі

Вакцы́ны супрацьві́русныя, тып імунапрэпаратаў, якія выкарыстоўваюцца для спецыфічнай прафілактыкі вірусных інфекцый шляхам утварэння актыўнага імунітэту. Супрацьвірусныя вакцыны рыхтуюць з: 1) інактываваных вірусных або заражаных вірусам клетачных суспензій; 2) жывых атэнуяваных штамаў віруса; 3) пратэктыўных малекулярных антыгенаў або структурных субадзінак вірыёна; 4) вірусных антыгенаў, якія прадуцыруюць бактэрыі або дрожджы, у геном якіх геннаінжынерным спосабам інтэграваны ген віруса, што адказвае за сінтэз пратэктыўных антыгенаў. Эфектыўныя супрацьвірусныя вакцыны індуцыруюць развіццё Т-цытатаксічнага імунітэту, накіраванага супраць інфіцыраванай вірусам клеткі, і сінтэз антыцел, якія нейтралізуюць вірыён.