Андэграўнд 1 значэння

-1-

Культуралогія

Андэграўнд, падпольны, нелегальны рух у мастацкай культуры. Праяўляецца ў розных відах мастацкай культуры - музыцы, літаратуры, выяўленчым мастацтве, кінамастацтве. Напр., існуе рок-музыка А., жывапіс А., кіно А. і г.д. Узнік у сярэдзіне 20 ст. у ЗША і эўрапейскіх краінах. Характэрныя рысы А.: адмаўленне дамінуючай дзяржаўнай ідэалогіі, непрыманне агульнапрынятых грамадскіх каштоўнасцей, мастацкіх і сацыяльных традыцый; нярэдка бунтарскі дух (бунтарства); эпатажнасць. Праявы А. нярэдка пераследаваліся афіцыйнымі ўладамі, але падтрымліваліся нонканфармісцкай часткай інтэлігенцыі. Тэрмін «А.» таксама выкарыстоўваўся ў амерыканскай кінематаграфіі 1940-х г. для абазначэння некамерцыйных фільмаў, якія стваралі для хатняга прагляду пачынаючыя рэжысёры на свае ўласныя грошы на вузкафарматнай плёнцы. У Беларусі А. не атрымаў шырокага развіцця, аднак яго праявы сустракаліся ў музычным, выяўленчым мастацтве 1970-1980-х г. (рок-групы, літаратурна-мастацкія суполкі), у дзейнасці мясцовых хіпі, панкаў і інш.