Акадэмізм 1 значэння

-1-

Архітэктура і мастацтва

Акадэмі́зм (франц. academisme ад грэч. Akademia), мастацкі напрамак, сутнасць якога заключаецца ў тым, каб прытрымлівацца канонаў, класічных узораў, прызнаных ідэальнымі і непераўзыдзенымі. Гістарычна А. звязаны з першымі мастацкімі вучэбнымі ўстановамі кан. 16 - пач. 17 ст., названымі акадэміямі, у якіх навучанне было арыентавана на замацаванне дасягненняў майстроў папярэдніх эпох - антычнасці і італьянскага Адраджэння.

Культуралогія

Акадэмізм (франц. akademisme), кірунак у выяўленчым мастацтве 17-18 ст., які дагматычна следаваў знешнім формам класічнага мастацтва. Узнік у канцы 16 ст. ў Італіі, дзе былі распрацаваны правілы пераймання мастацтваў антычнасці і Адраджэння, засвоены некаторыя прыёмы і прынцыпы класіцызму. У шырокім сэнсе А. тлумачыцца як любая кананізацыя, ператварэнне ў бясспрэчную норму ідэалаў мастацтва папярэдніх гістарычных эпох.