Адаптацыя 1 значэння

-1-

Малы тлумачальны слоўнік сацыялагічных тэрмінаў

Адаптацыя (adaptation),

1) у структурным функцыяналізме адна з функцыянальных перадумоваў сацыяльнае сістэмы, якая забяспечвае прыстасаванне сацыяльнае сістэмы да таго асяроддзя, у якім яна існуе; гл. таксама дасягненне мэтаў, інтэграцыя, латэнтнасць, перадумовы функцыянальныя;

2) прыстасаванне асобы да сацыяльнага асяроддзя (класіфікацыю тыпаў адаптацыі даў Р.Мэртан), найперш да ўхваленых грамадствам мэтаў дзейнасці асобы і сродкаў дасягнення тых мэтаў, якімі дзеяча забяспечваюць інстытуцыі грамадства; гл. таксама канфармізм, навацыя, паўстанне, рытуалізм, хаванне.

Экалагічны слоўнік

Адаптацыя (ад лац. adaptatio - прыстасаванне, прыладжванне), сукупнасць марфалагічных, паводзінскіх, папуляцыйных і інш. асаблівасцей дадзенага біялагічнага віду, якая забяспечвае магчымасць спецыфічнага спосабу жыцця ў пэўных умовах навакольнага асяроддзя. Фармуецца на працягу ўсіх стадый жыццёвага цыкла асобін віду.