Абсурду_драма 1 значэння

-1-

Культуралогія

Абсурду драма (ад лац. absurdus - недарэчны), плынь у заходнеэўрапейскай драматургіі і тэатры другой паловы 20 ст. Найбольш вядомыя творы А.д. - «У чаканні Гадо» С.Бекета, «Лысая спявачка» Э.Іянеска. Для А.д. ўласцівы адсутнасць яснага сюжэту і распрацаваных характараў персанажаў, песімістычнае светаўспрыманне, адчуванне трагізму і адчужанасці чалавека ў недасканалым свеце, успрыманне рэчаіснасці як чагосьці пазбаўленага ўнутранага сэнсу і прычынных сувязей, гратэскна-камічная дэманстрацыя абсурднасці і бессэнсоўнасці чалавечага быцця.