Абстракцыянізм 1 значэння

-1-

Архітэктура і мастацтва

Абстракцыяні́зм, гл. Абстрактнае мастацтва.

Культуралогія

Абстракцыянізм (ад лац. abstractus - адцягнены), кірунак у мастацтве 20 ст, у якім твор заснаваны выключна на фармальных элементах (лінія, колеравая пляма, адцягненая канфігурацыя). А. як асобны мастацкі кірунак узнік у пачатку 20 ст. Для яго характэрны вельмі абстрагаваныя вобразы, якія практычна ніяк не звязаны з рэчаіснасцю, крайняя фармалізацыя агульнай кампазіцыі, адвольнае, часам хаатычнае спалучэнне геаметрычных форм, колеравых ліній і плям. Прадстаўнікі А. сцвярджаюць, што яны не выяўляюць рэчаіснасць, а твораць «новую рэальнасць». Сярод заснавальнікаў і асноўных прадстаўнікоў А. - В.Кандзінскі, П.Пікасо, К.Малевіч, Ж.Брак, Р.Дэлон, П.Мондрыян і інш. Пасля другой сусветнай вайны А. становіцца адным з вядучых кірункаў у мастацтве Заходняй Эўропы і Паўночнай Амерыкі.