Інтэрналізацыя 1 значэння

-1-

Малы тлумачальны слоўнік сацыялагічных тэрмінаў

Інтэрналізацыя (internalisation), засваенне асобаю ўсталяваных у грамадстве нормаў і ўзораў паводзінаў, ператварэнне іх з вонкавых, накінутых грамадствам у частку асабістай свядомасці, у нормы, што знутры рэгулююць паводзіны асобы, якая іх засвоіла; гл. таксама сацыялізацыя.

Культуралогія

Інтэрналізацыя (ад лац. interims - унутраны), працэс засваення індывідам або групай людзей сацыяльных каштоўнасцей, норм, установак, стэрэатыпаў тых індывідаў, з кім яны ўступаюць у адносіны, кантакты. У выніку І. асобныя маральныя, псіхалагічныя ўстаноўкі, арыентацыі, структуры, якія спачатку былі знешнімі ў дачыненні да пэўных індывідаў, груп, паступова становяцца іх унутранымі рэгулятарамі паводзін.