Класіфікацыя_вірусаў 1 значэння

-1-

Слоўнік па агульнай і медыцынскай вірусалогіі

Класіфіка́цыя ві́русаў, вірусы вылучаны ў самастойнае царства Vira сумесна з вірусападобнымі арганізмамі - віроідамі і прыёнамі. Па стане на 1991 г. апісана 2430 самастойных вірусаў, падзеленых на 73 сямействы і групы. Большасць РНК-геномных вірусаў - паразітаў чалавека ўваходзяць у сямействы пікорна-, тога-, флаві-, карона-, парамікса-, ортамікса-, рэа-, рабда-, арэна- і рэтравірусаў. Сярод ДНК-геномных вірусаў у чалавека паразітуюць прадстаўнікі сямействаў парва-, папава-, адэна-, ірыда-, гепадна-, герпес- і поксвірусаў. Сямействы падзяляюцца на роды, роды - на віды, віды - на варыянты (тыпы). У некаторых групах выдзяляюць таксоны падсямействаў і падродаў. Правілы наменклатуры такія ж, як і ў біялагічнай сістэматыцы.