Узрост_геалагічны 1 значэння

-1-

Геаграфічныя паняцці і тэрміны

Узро́ст геалагі́чны, час, які прайшоў з моманту ўтварэння геалагічных цел ці якіх-небудзь падзей (складкавасць, зледзяненне і інш.). Адрозніваюць абсалютны (радыеметрычны) узрост, выражаны ў мільёнах ці тысячах гадоў, устаноўлены на аснове вывучэння распаду радыеактыўных элементаў, і адносны ўзрост - час якой-небудзь падзеі ў гісторыі Зямлі ў адносінах да часу іншай падзеі, устаноўлены па размяшчэнні горных парод у разрэзе і наяўнасці ў іх рэшткаў выкапнёвых арганізмаў. Гл. таксама Геахраналогія.